Варуфакис: Критиките меѓу Берлин и Атина се во интерес само на противниците на ЕвропаБерлин, 30 март 2015 (МИА) - Грчкиот министер за финансии Јанис Варуфакис изјави за весникот „Ханделсблат“ дека упатувањето на обвинувања меѓу Берлин и Атина е во интерес единствено на противниците на Европа.
Тој говори дури и за „отворено непријателство“ меѓу Грците и Германците.
Критиките меѓу Германија и Грција се интензивираа по доаѓањето на власт во Атина на радикалната левица, кон крајот на јануари.
- Тоа треба да сопре. Едвај тогаш Грција со поддршка на европските партнери, кои имаат интерес од нејзината економската обнова, ќе може да се сосредоточи на имплементирањето ефикасни реформи и политички стратегии, кои го стимулираат растот, додаде министерот.
Атина преговара со кредиторите за да добие нова транша од финансиската помош, од која има потреба за да избегне целосно празнење на државната каса.
|