Протест на земјоделци од општина ЗрновциЗрновци, 20 април 2015 (МИА) - Земјоделци од населените места Зрновци, Мородвис и Видовиште заедно со градоначалникот на општина Зрновци Блаже Станков денеска излегоа на мирен протест кај мостот на река Брегалница од каде што се наводнуваат нивните земјоделски површини, да го искажат својот револт за нефункционирањето на левиот магистрален канал од Хидросистемот Брегалница и неисчистената каналска мрежа.
Земјоделците од општина Зрновци бараат две машини да ги доисчистат каналите во полето од општината за да може во целост да се подготват површините за сеидба.
- Водната заедница од Зрновци има уредно потпишан договор со водостопанство Брегалница за испорака на вода во нашите полиња, но со години по ред таа се оглушува на нашите барања, истакна Добре Митев,претстедател на водна заедница Зрновци.
Левиот магистрален канал не функционира и штетите ги трпиме со години по ред, истакнува Стоил Арсов,земјоделец од Мородвис.
Со земјоделците беше и градоначалникот на општина Зрновци Блаже Станков.
- Во минатите неколку години од Владата, општина Зрновци континуирано добива нафта за чистење на земјените канали низ полето во општината, како и подготовка на поовршините за сеидба на ориз.Но, од Водсотопанство „Брегалница“ не игнорираат и не сакаат да го вклучат и нашето поле во системот со пуштање на водата од левиот магистрален канала, нагласи Станков.
|