Пекинг, 23 април 2015 (МИА) - Властите во кинеската источна провинција Јуангсу го казнија „Мерцедес“ со 350 милиони јуани (53 милиони евра) поради монополската цена. Оваа казна воедно е и највисока некогаш врачена на еден произведувач на автомобили во вакви случаи.
Одговорното тело во соопштение наведе дека германскиот произведувач извршил притисок врз продавачите да ги стават најмалите можни цени за нивните автомобили и резервни делови и оти издавале предупредување доколку трговците не ја послушаат оваа наредба.
Канцеларијата за одредување на цените во оваа провинција додаде дека произведувачот на автомобили го прекршил антимонополскиот закон и ја загрозил чесната трговска конкуренција и правата на потрошувачите.
- Истрагата покажала дека Мерцедес и нивните продажни салони во Јуангсу направиле договор да ја понудат најмалата можна цена за „Е класа“, „S-класа“ и одредени резервни делови, се вели во соопштението.