Полицијата отвори оган на плоштадот Конкорд во ПаризПариз, 26 јули 2015 (МИА) - Полицијата во Париз утрово околу 8 часот отвори оган на плоштадот Конкорд врз автомобил кој одбил да запре, јави дописникот на МИА од Париз.
Полицијата е присутна на плоштадот Конкорд и на авенијата Шанзелизе во рамки на обезбедувањето на велосипедската трка Тур де Франс, која денеска пристигнува и завршува во Париз.
Полицајците побарале од возачот на автомобилот да запре, но тој одбил, по што забрзал кон нивна насока и полицајците биле принудени да отворат оган.
Полицијата не успеала да го неутрализира автомобилот, по кој интензивно се трага, а се претпоставува дека возачот е ранет.
|