Девет загинати во експлозија во фабрика за пиротехнички средства во ИталијаБари, 26 јули 2015 (МИА) - Бројот на жртви во експлозијата во една фабрика за пиротехнички средства во Италија се искачи на девет лица, откако уште две лица за време на викендот им подлегнаа на повредите, соопштија болнички извори.
Седум лица загинаа на лице место, додека повеќе луѓе се повредени, во експлозијата што се случи во петокот, во фабрика за пиротехнички средства, во јужното италијанско пристаниште Бари.
Весникот „Република“ извести дека прво експлодирало едно возило за испорака, што предизвикало серија други експлозии во самата фабрика, што траеле околу еден час.
|