Словенечката Влада именува француски судија за арбитражата Љубљана, 28 јули 2015 (МИА) - Словенечката Влада денеска го именува Французинот Рони Абрам, претседател на Меѓународниот суд за правда, за нов словенечки претставник во арбитражниот трибунал кој одлучува за територијалниот спор меѓу Словенија и Хрватска за Пиранскиот Залив, јави словенечката новинска агенција СТА.
Претставниците на Словенија во Арбитражниот суд, Јернеј Соколец и Симона Дреник, поднесоа оставки откако беа испитани транскриптите и снимките од нивните компромитирачки телефонски разговори.
Хрватскиот премиер Зоран Милановиќ вчера изјави дека Хрватска же излезе од постапката „бидејќи е контаминирана“, а Арбитражниот суд побара од Словенија да го објасни однесувањето на своите претставници Соколец и Дреник.
Словенија оценува дека Хрватска нема право еднострано да се повлече од арбитражниот договор.
|