Пожар на римскиот аеродром Фиумичино ги откажа сите денешни полетувањаРим, 29 јули 2015 (МИА) - Пожар во непосредна близина на меѓународниот аеродром во Рим, Фиумичино, денеска беше причина за забрана за сите полетувања од аеродромот, пренесе ТАСС.
Според француските медиуми, што се повикуваат на авиокомпанијата „Ал Италија“, пожарот се појавил во борова шума во близина на пистите.
Според ТАСС, гори сува трева на полето крај аеродромот.
На местото на пожарот се пристигнати пожарникари и техника.
Причините за пожарот засега не се познати. Нема ниту информации за загинати и настрадани, посочува ТАСС.
На 6 мај пожар на третиот терминал на аеродромот Фиумичино беше причина за целосното затворање на аеродромот.
|