Киев, 31 јули 2015 (МИА) - Уставниот суд на Украина денеска го одобри усвојувањето на амандманите на украинскиот Устав, со кои треба да се изврши децентрализација на власта во земјата.
- Предложените амандмани се во согласност со членот 158 на Уставот на Украина, соопшти Судот.
Како што јави Укринформ, изјаснувањето на Уставниот суд по амандманите беше неопходно, бидејќи согласно одредбите од Уставот, тој не може да биде менуван во услови на војна или вонредна ситуација во каква што сега се наоѓа Украина.
По објавувањето на одлуката на Судот, потпретседателот на украиснката Врховна рада Андриј Паруби најави дека Парламентот ќе одржи вонредна седница кон крајот на август, на која пратениците ќе се изјаснат по предложените уставни амандмани.