Унгарија: Старите членки на ЕУ ги крадат од новите парите за справување со бегалската кризаБудимпешта, 25 август 2015 (МИА) - Владата на Унгарија сака повеќе средства од Европската унија за справување со најтешката бегалска криза по Втората светска војна, изјави шефот на канцеларијата на премиерот Виктор Орбан, Јанош Лазар.
- ЕУ ги распределува фондовите за заштита на границите на понижувачки начин. Старите земји-членки ги крадат парите од новите членки, изјави Лазар во интервју за весникот „Модјар хирлап“.
Унгарија, која е дел од Шенген зоната, регистрираше над сто илјади имигранти од почетокот на оваа година, додека лани нивната бројка изнесуваше 43 илјади.
|