Во 2014 година во Франција се родиле 818.000 бебиња

Париз, 1 септември 2015 (МИА) - Во текот на 2014 година во Франција се родени над 818.000 бебиња, бројка која станува стабилна во однос на претходната година и која останува и натаму висока, над 800.000 бебиња во последните десет години, јави дописникот на МИА од Париз.

Овие податоци ги изнесе Националниот инсититут за статистички и економски студии (ИНСЕЕ). Според истите лани се родиле точно 818. 565, од кои на контненталниот дел на Франција 781.167.

Од статистиките се гледа дека бројот на родените деца од родители, кои не се во брак се зголемува на 57,4 отсто од сите родени деца.

Во однос на лани нивниот број е за еден поен повеќе, а од 2007 година досега вонбрачните деца се побројни.

ИНСЕЕ исто така забележува дека по реформата на законот, со кој се дозволува децата да го избираат презимето на мајката или таткото, 83,1 отсто го носат презимето на таткото, 6,5 отсто на мајката и 10,2 отсто на двајцата родители.