Хрватскиот премиер Зоран Миловановиќ се надева германскиот канцелар Ангела Меркел да најде решение за бегалската криза, бидејќи Германија е изложена на најголем притисок во оваа ситуација.
Тој смета дека Меркел ќе биде принудена да одржи нови преговори со грчката влада во однос на Шенген.
– Она што ми дава надеж е фактот дека Германија, која е изложена на огромен притисок во оваа криза ќе најде решение. Ангела Меркел тоа ќе ја чини не само пари, туку и нов круг преговори со владата во Атина, рече Миловановиќ за ВВС.
– Сето ова се прави намерно. Имаме една земја која намерно не ги почитува правилата во Шенген, а овие правила може да се набљудуваат со малку добра волја, без насилство, без да има нехуман третман. Ова ќе даде многу подобра слика од онаа со жицата која се става по границата на Унгарија, истакна Зоран Миловановиќ.