Продуцентите на музички спектакли бараат 50 милиони помош по нападите во ПаризПариз, 24 ноември 2015 (МИА) - Продуцентите, дифузерите и концертните сали бараат помош од 50 милиони евра за да се соочат со последиците од атентатите и трошоците за обезбедувањето, соопшти денес нивниот синдикат.
Како што пренесува дописникот на МИА од Париз, синдикатот „Продис“ го поздравува воспоставувањето на ургентен фонд од четири милиони евра по нападите во кои загинаа 130 лица, од кои 90 во концертната сала Батаклан.
- Но бранот од шокот бара поголема поддршка на среднорочен план од страна на владата, се вели од синдикатот.
Синдикатот проценува дека потребите на музичката професија се околу 50 милиони евра.
|