Франција ги засилува безбедносните мерки во своите нуклеарни централиПариз, 24 ноември 2015 (МИА) - Во француските атомски електроцентрали се воведува „највисок режим на будност“ заради веројатноста од терористички напади, изјави во интервју за ТВ каналот „Франс-2“ Жан-Бернар Леви, шеф на корпорацијата ЕДФ (Електрисите ду Франс), главниот оператор со француските атомски централи.
Во соопштението на ЕДФ, цитирано од ТАСС, се наведува дека истиот режим е воведен и во останатите објекти на оваа компанија од енергетскиот сектор.
Леви посочи дека ЕДФ, заедно со полицијата и жандармеријата, прави системски проверки на лицата кои имаат пристап до АЕЦ. Секоја година се спроведуваат не помалку од 100.000 проверки, кои ги зафаќаат како вработените во самите АЕЦ, така и фирмите што се поврзани со нив.
|