Каменуван турскиот Конзулат во рускиот град НоворосијскМосква, 26 ноември 2015 (МИА) - Група непознати лица го каменуваа денеска Генералниот конзулат на Турција во рускиот град Новоросијск.
Според руски медиуми, запалено било и турското знаме пред зградата на Конзулатот.
- Група непознати лица протестираа пред зградата, а потоа почнаа да фрлаат камења врз објектот и го запалија турското знаме. За среќа нема повредени, изјави претставник од Конзулатот.
Демонстранти вчера ја каменуваа и турската Амбасада во Москва.
|