Фондот Сорос - непожелен во Русија

Москва, 30 ноември 2015 (МИА) – Руското Обвинителство ги прогласи за непожелни Фондацијата за отворено општество и Институтот отворено општество за помош, кои се дел од мрежата невладини организации чиј основач е американскиот бизнисмен Џорџ Сорос, објавија руски медиуми.

Според Обвинителството, нивната работа претставува закана за безбедноста и уставниот поредок во Русија.

Одлуката е донесена на иницијатива на Советот на федерацијата тие органзиации да се стават на т.н. патриотска стоп-листа, усвоена од Горниот дом на рускиот парламент во јули.

На таа листа се уште 12 организации меѓу кои седум од САД, две од Полска и три од Украина. Меѓу нив се Фонд Сорос, Фонд Макартур, Фридом хаус, Светскиот конгрес на Украинците, Националниот фонд за демократија и други.