Столтенберг: Руските воздушни напади во Сирија ги загрозуваат мировните преговори

Амстердам, 5 февруари 2016 (МИА) - Генералниот секретар на НАТО, Јенс Столтенберг денеска изјави дека интензивните руски воздушни напади во Сирија врз цели на бунтовничките сили ги „поткопуваат напорите“ за наоѓање политичко решение за судирите во земјата.

- Тоа што го гледаме е дека опозициските групи во Сирија главно се мета на интензивни руски воздушни напади, а тоа ги загрозува напорите за наоѓање политичко решение за конфликтот, истакна Столтенберг во Амстердам, каде се одржува состанок на министрите за одбрана од земјите членки на НАТО.

Тој нагласи дека „зајакнатото присуство на Русија, активноста во воздушниот простор во Сирија, исто така, предизвикува зголемени тензии и непочитување на турскиот воздушен простор“.