Камерон во Варшава бара поддршка за договорот за реформите на ЕУВаршава, 5 февруари 2016 (МИА) - Британскиот премиер Дејвид Камерон се сретна денеска во Варшава со својот домаќин, полската премиерка Беата Шидло, во настојувањето да ја добие поддршката на Полска за нацрт-договорот за реформите на ЕУ за кои се спогодија Лондон и Брисел.
Од полска страна уште еднаш е изразена поддршката на Британија за нејзините настојувања да се реформира Унијата.
Официјална Варшава, меѓутоа, бара гаранции дека полските државјани во Британија нема да бидат онеправдани со намерата на владата во Лондон, да се блокира правото за социјални бенифиции за мигрантите од ЕУ, во првите четири години од нивното работење на британска територија.
“Ние ги подржуваме плановите на Бриитанија за потикнување на сувереноста на националните парламенти (во рамките на ЕУ), како и заложбите за потикнување на европската економија и нејзината конкурентска способност, но бараме детално „пегалање„ на барањата за социјалните бенифиции„изјави по разговорите со камерон, полскиот премиер Беата Шидло.
Околу еден милион полски мигранти се населија во Британија, по 1 мај 2004 година и влегувањето на Полска во ЕУ.
Камерон престојува во полскиот главен град да ја добие подршката на европските лидери, за нацрт договорот што тој минатиот викенд го постигна со претседателот на Европскиот совет Доналд Туск.
Британскиот премиер настојува да ја обезбеди подршката на сите други 27 земји членки, за договорот, до Самитот на ЕУ, закажан за 18 и 19 февруари.
Доколку договорот биде потврден на Самитот, Камерон најверојатно ќе го организира референдумот во Британија за ЕУ ќе го организира оваа, а не идната 2017 година, како што претходно најавуваше.
Во Лондон се верува дека подршката од државите на Вишеградската четворка (Полска, Чешка, Словачка и Унгарија) ќе биде најважна за добивањето согласност за дреформите кои ги бара Британија, затоа што државите од Источна Европа се најостри противници на блокадата на социјалните бенифиции, верувајќи дека тие се насочени, пред се, за нивните државјани.
На маргините на вчера одржаната донаторска конференција за Сирија, во Лондон, премиерот Камерон се сретна и разговараше со премиерите на Словачка, Шведска, Грција и Белгија, а по Варшава, тој ќе престојува во Данска.
|