УНХЦР: Застрашувачки услови за децата во два мигрантски кампа во КалеКале, 5 февруари 2016 (МИА) – Високиот комесаријат на ОН за бегалци упати критики денеска за „застрашувачките“ услови во кои живеат децата во двата мигрански кампа во Кале, на север во Франција.
Портпаролот на УНХЦР, Вилијам Спиндлер изјави дека изразуваат загриженост особено за децата кои таму живеат сами или се одвоени од семејствота.
– Условите во кампот се застрашувачки и исклучително нехигиенски, изјави Спиндлер.
– Децата се подложени на секаков вид експлоатација. Знаеме дека на тие места се присутни и трговци со луѓе, изјави тој.
Речиси 4.000 мигранти живеат во картонска населба наречена „Џунгла“ близу Кале надевајќи се дека ќе преминат во Британија. Дополнителни 2.000 мигранти живеат во друг камп на околу 40 километри оттаму.
|