Холандија формира безбедносен одред од 300 лица за меѓународни мисииАмстердам, 11 февруари 2016 (МИА) – Холандските власти соопштија денеска дека ќе биде формиран безбедносен тим од 300 луѓе за брза реакција за контрола на границата на Европската унија и за други меѓународни мисии.
Во писмо упатено до парламентот, Владата наведува дека тимот ќе биде формиран што побрзо со цел засилување на контролата на границата на ЕУ заради давање помош во решавање на бегалската криза.
Формирањето на тимот е дополнителна помош од Холандија покрај нејзиниот преходен придонес во Европската агенција за управување и оперативна соработка на надворешните граници на државите членки на ЕУ (Фронтекс).
|