Берлин, 11 февруари 2016 (МИА) - Германската влада донесе одлука според која само во одредени случаи родители на деца бегалци без придружба ќе можат да влезат во Германија за да бидат со своите потомци и да добијат соодветна заштита.
И покрај спорот по ова прашање меѓу коалиционите партнери Христијанските демократи (ЦДУ) на Меркел и Социјалдемократите (СПД) на Зигмар Габриел на владина седница донесена е одлука со која практично се запираат сите фамилијани соединувања освен кога постои „посебна хуманитарна причина“ која што дава оправдување и родителите да добијат статус на бегалци.
На ваквото владино решение се противат дел од невладините организации за човекови права меѓу кои најгласна е групата "Отворени врати за децата“ (Deutsches Kinderhilfswerk) кои што ја обвинуваат владата во Берлин дека со одлуката ги прекршува своите обврски кон Конвенцијата за правата на децата на Обединетите Нации.