Москва, 28 април 2016 (МИА) - Носачот на ракета „Сојуз-2.1а“, со три вселенски апарати, успешно е лансиран од новиот руски космодром Восточниј, информира руската вселенска агенција „Роскосмос“, цитирана од ТАСС.
- Стартот на носачот на ракетата мина успешно, рече претставник на државната корпорација.
„Сојуз-2.1а“ требаше да биде лансиран вчераутро, но во последен момент автоматските системи го откажаа истрелувањето во орбитата.
Непосредно по лансирањето, ракетата во орбитата ги изведе сателитите „Ломоносов“, „Аист-2Д“ и „SamSat-218“, изјавија од вселенската агенција.
Претходно ТАСС јави дека рускиот претседател Владимир Путин пристигнал на космодромот за да го набљудува вториот обид за лансирање на ракетата.