ЕК им предложи на земјите-членки да го „откупат“ одбивање прием на мигранти

Брисел, 4 мај 2016 (МИА) - Европската комисија им ја предложи денеска можноста на државите-членки, кои ќе одлучат времено да не примаат мигранти, да плаќаат по 250 илјади евра за одбиен мигрант. 

Овој предлог е дел од измените на извештајот од Даблин. Според предложените измени отсега земјите од ЕУ, во кои мигрантите прво пристигнале ќе треба да ги разгледаат барањата за азил.

ЕК предлага и праведно раселување на мигранти во други земји од Унијата, кога некоја држава-членка ќе биде погодена од прекумерен прилив на мигранти. Проценката на тоа дали одредена земја е „прекумерно зафатена“ од прилив на мигранти ќе се се одредува според бројот на локалното население и животниот стандард. 

Велика Британија и Ирска повторно имаат право да не ги применуваат измените, доколку тие бидат усвоени.