Фајненшл тајмс: Казна од 250.000 евра по бегалец доколку се одбие нивно прифаќањеВашингтон, 4 мај 2016 (МИА) - Европските земји кои ќе одбијат да преземат дел од товарот од бегалската криза ќе мора да платат околу 250.000 евра по бегалец, објавија „Фајненшл тајмс“ и „Политико“, нагласувајќи дека тоа е предвидено со новиот предлог на Европската комисија, кој денеска ќе биде претставен.
Станува збор за казнена одредба, што е еден од најспорните делови на предложената измена од „Даблинскиот систем“, истакнаа неименувани европски претставници.
Постои можност за оваа мерка да се расправа и во следните денови и одредбата да биде изменета.
„Политико“ исто така укажува дека европските земји, кои ќе одбијат соработка, ќе мора скапо да платат.
|