Русија повлече околу 30 авиони од Сирија Москва, 4 мај 2016 (МИА) - Руската војска соопшти дека повлекла околу 30 авиони од своите бази во Сирија, вклучувајќи ги и сите Су-25 авиони за копнени напади, јавува Танјуг.
Портпаролот на руското Министерство за одбрана Игор Конашенков не даде детални информации за тоа колку летапа останале, но објасни дека тој број изнесува онолку колку што е потребно за борба против Исламската држава и Ал Нусра Фронтот, огранокот на Ал Каеда во Сирија.
Претседателот на Русија Владимир Путин во март нареди повлекување на голем број на руските сили во Сирија, но не прецизираше колку авиони ќе бидат повлечени, а колку ќе останат.
Русија распореди повеќе од 50 авиони и хеликоптери во својата воздухопловна база на брегот на Сирија.
Воздушната кампања, која започна на 30 септември, и овозможи на војската на сирискиот претседател Башар ал Асад, да врати под своја контрола одделни клучни области.
|