Германското обвинителство започна истрага против лидерката на АФДБерлин, 25 мај 2016 (МИА) - Јавното обвинителство во Дрезден започна истрага за лажно сведочење против лидерката на десничарската партија Алтернатива за Германија (АФД), Фрауке Петри, јави дописникот на МИА од Берлин.
Петри е пратеник во покраинскиот Парламент на Саксонија, па затоа за истрагата на Обвинителството е информирана и администрацијата на локалниот претставнички дом, во која таа ги дала исказиите за кои се тврди дека се лажни.
Лидерката на АФД се соочува со обвинение за лажно сведочење пред Комитетот за изборно законодавство на Парламентот во Саксонија во врска со позајмици кои нејзината партија ги земала од своите членови за потребите на изборната кампања.
Во понеделникот Петри се сретна со претставници на Германаскиот централен совет на муслимански организации на кои наместо да ги објасни антиисламските ставови содржани во манифестот на нејзината партија, таа го завршила состанокот со обвинување дека Централниот совет на германските муслимани врши притисок врз АФД.
Алтернатива за Германија користејќи антиисламска и антибегалска реторика успеа за една година од партија во распад да дојде до рејтинг од меѓу 12 и 14 проценти на федерално ниво и со тоа се најде во позиција да ја загрози стабилноста на Владата во Берлин на изборите закажани за втората половина на идната година.
|