Берлин, 26 мај 2016 (МИА) - По вчерашната изјава на германската канцеларка Ангела Меркел дека не е загрижена околу спроведувањето на договорот ЕУ-Турција за бегалците, денеска спротивставени поозиции дојдоа од претседателот на Европската комисија, Жан-Клод Јункер, јави дописникот на МИА од Берлин.
- Можеби постојат некои прашања за кои ќе биде потребно подолго време, но во принцип од наша страна ние ќе се држиме до договорот, изјави вчера Меркел.
За разлика од неа, Јункер од Самитот на Г-7 денеска порача дека Анкара мора да ги исполни стандардите на ЕУ и да ги „омекне антитерористичките закони“ и да се држи до обврските.
Предходно за време на светскиот хуманитарен самит во Истанбул турскиот претседател Реџеп Тајип Ердоган порача дека Турција нема да преземе никакви понатамошни чекори за да ги спроведе договорите за реадмисија на бегалците, се додека Европската унија не воведе визна либерализација за турските граѓани.
Договорот ЕУ-Турција, кој се смета за единствен план со кој Европа треба да се заштити од нова бегалска криза, треба целосно да биде имплементиран до 20 јули оваа година.