Чешкиот Парламент повторно ќе го разгледува новиот Закон против пушењетоПрага, 30 мај 2016 (МИА) - Чешката Влада повторно го испрати во Собрание Предлог- законот против пушењето, кој минатата недела пратениците го отфрлија, јави дописникот на МИА Од Прага.
Како што информираше премиерот Бохуслав Соботка, во новата верзија на Предлог-законот, кој би требало да важи од јануари идната година, се внесени и некои предлози од пратениците.
Претходно, Предлог-законот не Беше изгласан во Парламентот, поради несогласувањето на претставниците на коалициониот партнер АНО, на кои не им се допадна предлогот да бидат воведени специјални ,,пушални" во рестораните.
- Верувам дека Законот ќе биде донесен и кон гласањето коалиционите партнери ќе се однесуваат одговорно, за да почне да важи од 2017 година, оцени Соботка.
Според него, новиот Закон предвидува забрана за пушење цигари и пури во ресторените, со исклучок на електронските цигари и т.н. наргиле односно водено луле.
Забрането е пушење и на автобуските станици и Зоолошката градина, со исклучок на специјален простор надвор наменет за пушење.
Законот ја регулира и употребата на алкохолот. Предлог- законот предвидува овозможување на продавање на спортски акции на алкохолни напитоци, кои содржат до 4,3 проценти алкохол на спортски акции.
|