ЕУ се договори со социјалкните мрежи заедно да се борат против јазикот на омразатаБрисел, 31 мај 2016 (МИА) - Европската комисија денеска соопшти дека постигнала спогодба со некои од најголемите социјални медиуми, вклучувајќи ги Фејсбук и Твитер, за борба со ширењето на јазикот на омразата на Интернет, пренесоа американските медиуми.
Согласно договорениот кодекс на однесување, компаниите, меѓу кои се и ЈуТјуб и Мајкрософт, преземаат обврска да се борат „брзо и ефикасно“ со јазикот на омразата, поврзан со раса, боја на кожа, религија, потекло, националност или етнос.
Се предвидува обука на персонал, кој ќе ја проценува содржината и ако се покаже за неопходно ќе ја симнува од Интернет на 24 часа. Компаниите, исто така, се согласуваат да поттикнуваат содржини кои се спротивни на јазикот на омразата.
Еврокомесарот за правда, корисници и еднаквост меѓу половите Вера Јоврова изјави дека Интернет е „простор на слободниот говор, а не на говорот на омразата“ и дека за отвореното потикнување на насилство или омраза нема место на онлајн просторот.
|