Лондон, 1 јули 2016 (МИА) – Лондон треба да договори услови за излегување од Европската унија пред да стане активна процедурата по Член 50, изјави британскиот министер за правда, Мајкл Гоув.
- Одлуката за активирање на Член 50 од Лисабонскиот договор е во рацете на следниот премиер. Ако тоа бидам јас, ќе го одложам решението за момент кога ќе биде најдобро за Британија. Нема да брзам да ја активирам процедурата додека не се убедам дека тоа е правилно за државата, потенцира Гоув кој ќе се бори за лидерската позиција во партијата.
Тој нагласи дека би сакал гаранции да се разгледува такво излегување од ЕУ со кое британската економија ќе остане силна.
– Ќе направам се и да се намали бранот мигранти на задоволително ниво. За да ја ограничиме миграцијата треба да сме вон Европската унија, наведе Гоув.