Данските националисти бараат забрана за влез на муслимани во земјата

Копенхаген, 28 јули 2016 (МИА) - Данската народна партија (ДПП), анти-миграциска и националистичка партија, која ја поддржува актуелната Влада, предлага Данска да ја забрани миграцијата од муслиманските земји, неведувајќи ја како причина опасноста од напади на исламските екстремисти. 

Заменик претседателот на ДПП, Сорен Есперсен, во интервју за дневниот весник „Берлингске“ изјави дека на муслиманските мигранти треба да им се забрани влез во Данска во период од четири до шест години.

- Нам ни е потребна пауза по неодамнешните терористички напади во Европа, нагласи Есперсен. 

Критичарите, меѓу кои и опозициската Социјал-демократска партија, остро го критикуваа предлогот, истакнувајќе дека тој неоправдано  ги става на исто рамниште муслиманите и исламските екстремисти и дека е сличен на планот на републиканскиот кандидат за претседател на САД, Доналд Трамп.