Шојгу ги бара од САД координатите на умерената опозиција во АлепоМосква, 28 јули 2016 (МИА) - Министерот за одбрана на Русија, Сергеј Шојги, ги повика денеска американските колеги да ги споделат со Русија информациите за положбата и форматот на единиците на умерената опозиција во Алепо.
Рускиот министер за одбрана изјави дека во реонот Алепо е предложено создавање на три хуманитарни коридори за цивили и милитанти кои ќе се предадат, и еден за милитантите со оружје.
- Сакам да нагласам дека сме принудени на овој чекор исклучиво поради обезбеднување на безбедноста на жителите на Алепо. Се надеваме дека од нашите американски колеги ќе ги добиеме координатите на подрачјата каде се наоѓаат сириските единици и форматот на одредите на опозицијата, какво вооружување и техника користат, колку тенкови, оклопни возила, артилериско оружје, автомати и друго умерено вооружување треба да имаат тие единици, истакна Шојгу.
Трасите за заминување од градот ќе бидат внесена на карта, на жителите ќе им биде испратена преку порака, а ќе биде објавена и на интернет.
Оние кои ќе бидат блокирани од милитантите ќе добијат помош од небо, бидејќи авијацијата ќе пушта во градот хуманитарна помош.
|