Братислава, 29 јули 2016 (МИА) - Словачкиот премиер Роберт Фицо изјави дека постои апослутна поврзаност меѓу миграцијата и тероризмот, бидејќи со неконтролираниот прилив на мигранти им се отвора можност на потенцијалните терористи да се уфралат на европско тло.
- Јасно е дека потенцијалните терористи можат да ја исористат неконтолираната миграција не само за доаѓање, туку и за уфрлување на оружје и експлозиви, изјави Фицо на прес-конференција во Братислава.
Со миграцијата, според него, се создава потенцијал за терористички напади, па затоа постои голема веројатност за извршување нови индивидуални акти на тероризам во Европа.
Фицо нагласи дека според некои безбедосни експерти, во Европа има голем број мигранти, чии намери не се познати.
- Секој може да ја мине границата кога има огромен прилив на илегални мигранти. Само Господ знае што тие носат во ранците покрај храна и облека, додаде Фицо.