Заврши заложническата драма во московската банка заврши

Москва, 24 август 2016 (МИА) - Ослободен е и последниот заложник од филијалата на „Ситибанк" во центарот на Москва, која беше нападната од 55-годишен маж, претходно вечерва, соопшти ТАСС, цитирајќи соопштение на руската полиција.

- Внатре останува само групата, која преговараме со киднаперот, но повеќе нема заложници, велат од полицијата.

Кај напаѓачот немало експлозивна направа. Се утврди дека кутијата која ја закачил околу вратот и од која излегуваа жици, била полна со сол. 

Еден од заложниците, кој се наоѓал во нападнатата филијала на банката, бил заменикот-главен уредник на ТАСС Глеб Брјански.

- Киднаперот немаше поглед на суров криминалец, туку на очаен човек. Тој многу се нервираше, постојано се извинуваше на заложниците и многу пушеше", раскажа Брјански.

Напаѓачот - Арам Петросјан, рекол дека е бизнисмен и оти до неодамна произведувал сетови за прва помош, но банкротирал.