Брисел, 26 август 2016 (МИА) - Европската унија изразува солидарност со Турција во врска со терористичкиот напад во Џизре и ветува дека ќе продолжи соработката со неа во борбата против тероризмот, изјави денеска на прес-конференција во Брисел портпаролот на Европската комисија Александар Полак, пренесува ТАСС.
- Изразуваме сочувство на семејствата на жртвите и солидарност со властите и народот на Турција. Ќе ја продолжиме соработката со Турција за спречување на терористички напади и борбата против тероризмот, рече Полак.
Најмалку 11 лица загинаа, а 78 беа повредени денеска при самоубиствен напад со автомобил-бомба врз зграда на полицијата во градот Џизре, југоисточна Турција, за што одговорноста ја презеде забранетата Курдистанска работничка партија (ПКК).