Москва, 21 октомври 2016 (МИА) - Шефот на руската дипломатија Сергеј Лавров денеска изјави дека се сомнева дека Западот сака да ја заштити сириската екстремистичка група, позната по старото ине Ал Нусра фронт, бидејќи сака да ја искористи во соборувањето од власт на сирискиот претседател Башар ал Асад.
Тој наведе дека припадниците на Ал Нусра фронтот одбиваат да го напуштат Алепо.
- Москва е многу загрижена поради извештаите дека Турција бомбардира делови од северна Сирија.
Лавров запрашан како ги коментира заканите на сириската Влада дека ќе собори воен авион ако го повреди нејзиниот воздушен простор, тој истакна дека Сирија е суверена држава.