Потврден мандатот на Саулјус Сквернелис како нов премиер на ЛитванијаВилнус, 22 ноември 2016 (МИА) - Литванскиот Парламент денеска го потврди мандатот за составување влада на досегашниот министер за внатрешни работи, центристот Саулјус Сквернелис, пренесе БТА.
Тоа уследи откако партијата на Сквернелис, Литвански сојуз на селаните и зелените (ЛССЗ), минатиот месец неочекувано ги освои парламентарните избори во оваа балтичка република. ЛССЗ ќе управува во коалиција со претходникот на Сквернелис, досегашниот премиер Алгирдас Буткевичиус, од Литванската социјалдемократска партија (ЛСДП), којашто заврши како трета на изборите.
Сквернелис меѓу другото, најави и дека неговата влада ќе ја продолжи проевропската политика на земјата и дека по 2018 година државните разходи во областа на одбраната, ќе се зголемат.
|