Меј: Британија ќе ги зачува врските со ЕУ во областа на безбедноста по БрегзитЛондон, 17 јануари 2017 (МИА) - Велика Британија ќе ги зачува врските со европските разузнавачки служби, откако ќе ја напушти Европската унија и ќе продолжи со неа да разменува информации, изјави денеска премиерот Тереза Меј. - Откако ќе излеземе од ЕУ ќе одржуваме тесни контакти со нашите европски сојузници по линијата на надворешната политика, како и во областа на борбата против криминалот и тероризмот, рече Меј. - Со оглед на тоа дека заканите за нашата безбедност стануваат се посериозни, ние не треба да ја ограничуваме соработката, ниту заедничката работа со други земји, додаде таа. Меѓу мерките неоходни за гарантирање на безбедноста на континентот Меј ги спомена одржувањето на мирот и стабилноста на Балканот, зајакнувањето на надворешни граници на ЕУ и примената на санкциите против Русија и нејзините активности на Кримскиот Полуостров.
|