Бројот на хакерски напади врз системите на НАТО се зголемил минатата година за 60 отсто. Секој месец од 2016 година Алијансата се соочувала со околу 500 напади, изјави генералниот секретар на НАТО, Јенс Столтенберг.
- За повеќето напади не се одговорни физички лица, туку институции поврзани со странски држави, истакна Столтенберг, додавајќи дека ваквата тенденција го загрижува и затоа кибер безбедност ќе биде меѓу главните теми на претстојната средба на врвот на НАТО.
Според него, кибер нападите можат да им наштетат на вооружените сили и да ја нарушат одбранбената способност на Алијансата, бидејќи „сите воени дејствија денес се засноваат врз пренос на податоци“.