Симпатизери на Трамп славеа во Лондон, во Москва и во БудимпештаЛондон, 20 јануари 2017 (МИА) - Инаугурацијата на новиот претседател на САД, Доналд Трамп денеска беше прославена од околу 200 негови симпатизери во Лондон, како и стотина во Москва и во Будимпешта, Околу 200 симпатизери на Трамп се собраа во клуб во близина на хотелот „Риц“ во Лондон за да ја прослават инаугурацијата на 45. американски претседател. Во Москва почетокот на претседателскиот мандат на Трамп беше прославен со пенливо вино на забава во близина на Кремљ, а во центарот на салата се наоѓаше триптих на Трамп, на рускиот претседател Владимир Путин и француската ултрадесничарска политичарка Марин Ле Пен. Еден од спонзорите на забавата во Москава е телевизијата „Тсарград“, раководена од ултрадесничарскиот идеолог Александер Дугин. Стотина симпатизери на Трамп се собраа и во близина на Амбасадата на САД во Будимпешта, кај споменикот на поранешниот американски претседател Роналд Реган.
|