Брисел, 14 март 2017 (МИА) - На Сирија и е потребен „посреднички мир“ поддржан од меѓународната заедница, наместо „посредничка војна“ која се води веќе шест години при што настрадаа околу 320.000 луѓе, изјави денеска високата претставничка на Европска унија за надворешна политика и безбедност Федерика Могерини.
- Нашата соработка со нив ќе продолжи, како во сегашноста, во смисла пружање поддршка на сириските бегалци на кои им се пружа засолниште, така и во смисла посредничката војна да ја направиме посреднички мир. Верувам дека постои некоја заедничка основа која може да се најде меѓу меѓународните играчи, со регионалните актери кои можат да го олеснат тој процес, истакна Могерини.
Во Брисел на петти април ќе се одржи меѓународна конференција за Сирија.