Берлин, 15 март 2017 (МИА) - Највлијателниот германски дневен весник „Билд“ на денешната насловна страница го објави турскиот претседател Реџеп Таип Ердоган, со осудување за неговата „манија за власт“, и при тоа прогласувајќи го за персона нон грата во земјата.
Во момент на разгорена германско-турска и турско-европска дипломатска криза весникот објави фотографија на турскиот претседател, со гневен израз на лицето, под наслов „Билд му ја кажува вистината во очи на Ердоган“.
- Вие не се демократ, вие и правите штета на државата! Не сте добродојдени тука!, пишува „Билд“, кој претендира дека излегува со тураж од два милиони броеви дневно.
- Во лудилото за власт егоманијакот Ердоган ги настројува Турците против Европа, продолжува весникот и го обвинува „малиот човек од Босфор“ дека „ја уништува земјата“.
Анкара ги затегна односите со неколку европски земји, начално со Германија и Холандија, по забраната од тие земји за турските министри да учествуваат во кампањата за турската диаспората што се спроведува поради референдумот на 16 април за зголемување на овластувањата на турскиот претседател.
Ердоган го обвини Берлин дека користи „нацистичка практика“, поддржува „терористи“ и работи за негативен исход на референдумот.