Повредени се двајца Грци при нападот во ЛондонАтина, 23 март 2017 (МИА) - Двајца Грци се повредени во вчерашниот напад со автомобил во Лондон, пишува „Катимерини“. „Би-Би-Си“ јави денеска дека меѓу настраданите има 12 Британци, три деца од Франција, кои биле на училишна екскурзија, четворица Јужнокорејци, двајца Романци, двајца Грци и по еден државјанин на Кина, Италија, САД, Полска, Ирска и Германија. Грчкото Министерство за надворешни работи посочи дека двајцата Грци немале потреба од хоспитализација. Во атентатот, за кој одговорноста за презеде Исламската држава, загинаа пет лица, а речиси 40 се повредени.
|