Оланд пристигна на посета во СингапурСингапур, 26 март 2017 (МИА) - Францускиот претседател Франсоа Оланд денеска пристигна во Сингапур, што претставува првата етапа од прошталната турнеја на крајот на неговиот петгодишен мандат.
По Сингапур, Оланд ќе престојува во Малезија, а турнејата во регионот ќе ја заврши со посета на Индонезија.
Претседателот на Франција ќе разговара со претставниците на земјите од југоисточна Азија за зајакнувањето на соработката во областа на одбраната и економијата.
Оланд на 29 април ќе присуствува на самитот на Европската унија во Брисел.
Петгодишниот мандат на францускиот претседател Франсоа Оланд завршува кон средината на мај.
|