Сирискиот министер за надворешни работи во посета на МоскваМосква, 12 април 2017 (МИА) - Шефот на сириската дипломатија Валид ал Муалем на покана на рускиот колега Сергеј Лавров од утре, па до сабота, ќе претстојува во Москва.
Портпаролката на руското Министерство за надворешни работи Марија Захарова истакна дека на средбата ќе се разговара за ситуацијата во Сирија „која беше нападната и е напаѓана од терористи, како и од САД“.
- Ќе бидат разгледани и евентуални заеднички чекори за минимизирање на негативните последици од најгрубото кршење на меѓународното право на меѓународниот и регионален мир и безбедност, посочи Захарова.
На 15 април во Москва планиранa е и трилатерална средба на министрите за надворешни работи на Русија, Сирија и Иран.
|