Париз, 23 април 2017 (МИА) - Првите неофицијални резултатите од досега најнеизвесните претседателски избори соопштени веднаш по затворањето на сите гласачки места во дваесет часот го даваат како победник Емануел Макрон, канидатот на „Во движење“ со 23,7 отсто од гласовите, јавува дописникот на МИА од Париз.
Втора е Марин Ле Пен од крајно десниот Национален Фронт со со 21,7 отсто од гласовите. Ова се неофицијални резултати, но речиси сите иниститути и медиуми ги даваат истите резултати.
Франсоа Фијон и Жан-Лук Меланшон добиваат по 19,5 отсто од гласовите, додека кандиатот на социјалистите Беноа Хамон е далеку со само 6,5 отсто на гласовите, што претставува најкатастрофален резултат на еден канидат на Социјалитичката партија, која е на власт од 2012 година.
Излезеноста на изборите е околу 77 отсто, односно пред гласачките кутии не се појавија 23 отсто од гласачите, што е повеќе во споредба со 2012 година кога имаше 18,63 отсто апстиненција.