Москва, 24 април 2017 (МИА) - Високата претставничка на Европската унија за надворешна политика и безбедност Федерика Могерини престојува денеска во прва посета на Русија, земја во која досега не била поради тензиите со Москва во врска со украинската криза.
Таа ќе разговара со рускиот министер за надворешни работи Сергеј Лавров за „итните прашања во надворешната политика, посебно за Сирија“, соопшти кабинетот на Могерини.
Тема на разговорите ќе биде и ситуацијата во Либија, мировниот процес на Блискиот Исток, Иран, Авганистан и судирите во источна Русија.
ЕУ воведе санкции кон Русија поради украинската криза во 2014 година.
Могерини пред Русија беше во посета на Кина и Индија.