Во 2016 година над 700,000 луѓе добиле азил во земјите-членки на ЕУБрисел, 26 април 2017 (МИА) - Земјите-членки на Европска унија во 2016 година одобриле азил на двојно повеќе луѓе во споредба со 2015 година, соопшти денеска Евростат. - Во 2016 година земјите-членки на ЕУ одобриле азил на 710.400 лица, а во 2015 година на 330.000. Повеќе од половината кои добиле азил се од Сирија, а 10 проценти од Ирак и од Авганистан, се наведува во соопштението на Евростат. Германија одобрила азил на 445.000 лица во 2016 година, трипати повеќе отколку претходната година, а потоа следи Шведска која одобрила азил на повеќе од 70.000 лица и Италија - 35.500 луѓе. Најголеми шанси за добивање на азил имале Сиријците односно 98 отсто од нивните барања биле одобрени, а најмали шанси за азил имале мигрантите од Балканот и од земјите од Јужна Азија.
|