Водечки германски политичари на „листата за одстрел“ на неонацистичка групаБерлин, 9 мај 2017 (МИА) - Имињата на поранешниот германски претседател Јоаким Гаук и на министерот за правда Хајко Мас се наоѓале на листата на лицата кои треба да бидат убиени, подготвена од страна на тројца радикални германски десничари, кои се уапсени од страна на германските власти. Тројцата неонацисти, од кои двајца се припадници на германската армија, се уапсени во последниве 10 дена. Тие планирале да извршат напади врз сместувалиште за бегалци, а за тоа да ги обвинат муслиманските мигранти во Германија. Како што јави дописникот на МИА од Берлин, нивна цел биле и високи политички претставници на левицата, која според нив е главен виновник за приемот на бегалци во земјата, Тројцата екстремни десничари за своите акции набавиле над 1.000 куршуми од воените магцини, кои биле пронајдени во домот на еден од осомничените. Групата, според германските медиуми, од Австрија набавила и пушка со која требало да бидат извршени нападите.
|