Демохристијаните на Меркел победија на изборите во Северна Рајна - ВетсфалијаБерлин, 15 мај 2017 (МИА) - Демохристијаните на германската канцеларка Ангела Меркел победија на вчерашните регионални избори во сојузната покраина Северна Рајна - Вестфалија, јави ДПА.
Според првичните резултати, конзервативната Христијанско демократска унија (ЦДУ) на Меркел освои 33 отсто од гласовите, а левоцентристичката Социјалдеморкатската партија на Германија (СПД) доби 31,2 проценти.
Победата на ЦДУ во најнаселената германска покраина ја зајакнува позицијата на Меркел во нејзиниот обид да освои четврти мандат на федералните избори во септември.
Изминатите месеци нејзината партија победи на изборите во уште две покраини Сар и Шлезвиг Холштајн.
Победата на демохристијаните во Северна Рајна - Вестфалија става крај на седумгодишното владеење на СПД во покраината и претставува тежок пораз за социјалдемократскиот кандидат за канцелар Мартин Шулц.
Резултатот од изборите во Северна Рајна Вестфалија може да доведе до составување коалиција меѓу партијата на Меркел и социјалдемократите.
Друга можна варијанта за владеење во покраината е коалиција меѓу демохристијаните и слободните демократи, кои според првичните резултати освоиле 12,6 отсто од гласовите.
Вчерашните избори беа вистински пораз за досегашниот коалициски партнер на социјалдемократите во оваа покраина, партијата Сојуз 90/Зелени, која освои едвај 6,4 проценти од гласовите.
|