Берлин, 20 мај 2017 (МИА) - Седум лица се полесни повредени кога патнички воз излета од шините во близина на местото Штадторда во источниот дел на Германија, соопшти денеска германската железница „Дојче бан“.
Несреќата, што се случила на пругата меѓу градовите Гера и Јена-Гешвиц во покраината Тиринген, била предизвикна од наносите на кал на шините до кои дошло поради силното невреме што го зафатило тој регион.
Сообраќајот на пругата е во прекин, а според најавите од „Дојче бан“ се очекува тој да биде нормализиран најдоцна до утре во претпладневните часови.
Невремето проследено со пороен дожд предизвикало и поплави по улиците и во подрумските простории во повеќе градови во тој дел на Тиринген.